|
Tu tajuk pendek. Kalau tajuk panjang - Kembali buek kojo kek opis dari pagi sampai potang selopeh seminggu. Bukan lah kilang den cuti lamo bona. Ompek (4) aghi yo cuti ghayo Cino aghi tu. Tapi aghi tu den MC sobab cabut gigi. Lopeh tu duo (2) aghi poie training kek MEF. Hujung minggu tak kojo. Jadi eh, baghu aghi ni la den masuk opis dan bekojo secagho ponoh (masuk pagi balik potang).
Sepoti mano kebiasaan oghang, masuk opis check email dulu. Lopeh tu baghu la congak nak buek apo. Pepagi dah dikojutkan ngan budak yang kono buang 10 aghi lopeh datang nak bagi sughat rayuan ngan nak jumpo Inose-san. Inose-san cakap tak nak jumpo. Jadi den mintak la guard escort budak tu keluar. Tapi ghupo eh jumpo jugak. Syukur tak do kejadian yang tak diingini berlaku.
Dokek tongah aghi, staff baghu den sampai. Sebona eh tak do la baghu mano cumo dio ni dipindahkan daghi MT1 (kilang no.1) ke MT2 (kilang no.2) Jadi skang nih den ado duo (2) pekojo kek opis tak termasuk receptionist ngan uniform coordinator. Cumo yang tak best eh aghi ni, Inose-san ngan Yoshinori-san mintak den kontrol pekojo bawak masuk hand phone ke dalam kawasan cleanroom (production). Den cakap, kalau pihak production sendighi tak kontrol, cemano plak HR nak kontrol. HOD jabatan memasing pun selambo yo bawak hand phone kek dalam siap tayang kek anak buah. Cemano la operator tak ngikut.
Potang skit, hujan plak. Den sungkup kepalo ngan plastik bosar, ghodah hujan. Nasib baik la tak loncun.
Sepoti mano kebiasaan oghang, masuk opis check email dulu. Lopeh tu baghu la congak nak buek apo. Pepagi dah dikojutkan ngan budak yang kono buang 10 aghi lopeh datang nak bagi sughat rayuan ngan nak jumpo Inose-san. Inose-san cakap tak nak jumpo. Jadi den mintak la guard escort budak tu keluar. Tapi ghupo eh jumpo jugak. Syukur tak do kejadian yang tak diingini berlaku.
Dokek tongah aghi, staff baghu den sampai. Sebona eh tak do la baghu mano cumo dio ni dipindahkan daghi MT1 (kilang no.1) ke MT2 (kilang no.2) Jadi skang nih den ado duo (2) pekojo kek opis tak termasuk receptionist ngan uniform coordinator. Cumo yang tak best eh aghi ni, Inose-san ngan Yoshinori-san mintak den kontrol pekojo bawak masuk hand phone ke dalam kawasan cleanroom (production). Den cakap, kalau pihak production sendighi tak kontrol, cemano plak HR nak kontrol. HOD jabatan memasing pun selambo yo bawak hand phone kek dalam siap tayang kek anak buah. Cemano la operator tak ngikut.
Potang skit, hujan plak. Den sungkup kepalo ngan plastik bosar, ghodah hujan. Nasib baik la tak loncun.
Catat Ulasan