Akhir eh, selopeh lobih sepuluh bulan den tak update blog nih, den update jugak. Sbolum nih den sibuk skit kek opis. Laie pun, Jopun nih kengkadang suko usha kek monitor komputer den tu. Dah la bukan monitor lcd ko led ko, tak best plak tu peh tu kono usha yo kan. Mano la tahan. Tu yang maleh den nak update tu. Nak update kek ghumah den maleh. Mejo den kek opis plak kek tompek orang lalu lalang. Jangan kan Jopun yo yang usha, minah kilang pun usha monitor den. Apo la oghang opis nih buek agak eh? Duduk kek dopan komputer yoh. Kojo ko main game? Baik la turun kek production tolong pasang tiub ko, connector ko, bancuh gam ko tak pun tolong lipek kotak. Tu la tu, Jopun nih maghin pun peronah yo suruh den tolong bebudak operator pasang tiub kek department PVC. Kalau den layan an Jopun nih, maun den kono golak an kek Kahlid (supervisor PVC).


Jadi sobab dah lamo bona tak update, kiro eh theme yang lamo tu dah basi la. Ni den dah tukar pado yang baru. Yang baru nih namo template eh - Theater Room. Yang lamo tu den tak ingat la plak namo eh. Kiro ngam la nih kan. Beghojam jugak la den carik tadi nak jumpo yang ngam eh. Kepado Black (Warehouse), den harap ekao bukak la blog den nih sobab ado la beberapo kali ekao tanyo den bilo nak update kan? Ni kalau tak baco, bukak opis Senayan sok den picit lubang pusat kao. Enjoy...