Antaro keto lamo-lamo yang den minat. Peronah den menyimpan hasrat nak boli keto nih tapi apokan dayo. Keto dah lamo nak kono lotak down payment tinggi. Kesudahan eh pakai yo la keto Proton den tu. Janji buleh bawak poi kojo, balik kojo dan bawak Pria Ganteng (PG) dan uMMi gi jalan-jalan ngan balik kampung.

Berbalik pado keto nih, dah beberapo kali den nampak keto nih kek dopan restoren Syed Petaling Jayo. Biaso eh den singgah kek kodai nih lopeh den antar dokumen kek SOCSO. Abang Din la yang ngajak makan kek sini. Den kalau datang sini sure makan nasik punyo. Mulo aritu den amik gambar macam curik-curik la kan tapi gambar tak lawa. Jadi yang kali nih, den selamba je poi kek keto tu, keluar an hand phone dan amik gambar. Kok tuan eh nampak maghah la agak eh. Bukan den nak curik. Den suko kek keto eh yo.