Den nak ucapkan tahniah kepado pasukan dan rakyat Sepanyol atas kemenangan ke atas Belando yang jugak menjadi juara Pialo Dunio 2010.

Walaupun gah membelasah England dan Argentina tapi tibo-tibo Jerman main macam team Liga-M. Hilang punco dan tak tahu apo jadi. Spain kontrol bola lobih 65% sepanjang permainan. Akhir eh kono gak sebijik kek tandukan old timer Spain - Carles Puyol yang tak dikawal maso minit ke-73.

Kalah monang adat permainan la. Jadi den ucapkan selamat maju jayo untuk Fernando Torres, Jose Reina, Dirk Kuyt dan Ryan Babel yang akan menontang sesamo sendiri kek final bilo Holland lawan Spain. Jerman akan lawan ngan Uruguay untuk tompek ketigo dan ke ompek.

Tak do toghuk sangat Jerman nih sebona eh. 2002 - No.2, 2006 - No.3 jadi 2010 nih paling toghuk pun no.4.


Gambar sumo adalah ehsan dari Getty Image yang dirembat secara copy, paste dan save guno paint dari Soccernet.com

Sementaro tak do keto nih, den pakai skuter pinjam nih sobab moto den tak do road tax. Den gola an skuter Modenas Elegant ni sebagai - Kudo Lago. Sticker I Support Germany yang den dapek kek Giant tu ado banyak laie. Jadi den tampal la satu kek Kudo Lago nih. Mulo eh nak tampal melintang tapi tak leh nak lokek sobab permukaan eh tak ghato. Jadi tampal la menogak cam tu. Nampak kek Pria ganteng gambar bola tu ditunjuk eh sambil cakap - MO! (Ball)